Sports

১৪৬ বছৰীয়া নিয়ম ভংগ উইম্বলডনে; এতিয়া মহিলাসকলে ৰঙীন আণ্ডাৰৱেৰ পিন্ধিব পাৰিব

১৪৬ বছৰীয়া নিয়ম ভংগ উইম্বলডনে; এতিয়া মহিলাসকলে ৰঙীন আণ্ডাৰৱেৰ পিন্ধিব পাৰিব
১৪৬ বছৰীয়া নিয়ম ভংগ উইম্বলডনে; এতিয়া মহিলাসকলে ৰঙীন আণ্ডাৰৱেৰ পিন্ধিব পাৰিব

উইম্বলডন মানে সেউজীয়া ঘাঁহৰ ওপৰত শুভ্ৰ পোছাক – টেনিছ প্ৰেমীসকলে সেইটোৱে দেখিয়েই অভ্যস্ত। নানা সমস্যা আৰু আপত্তিৰ মাজতো উইম্বলডন কৰ্তৃপক্ষই পোছাক বিধি সলনি কৰিবলৈ অনিচ্ছুক আছিল।

অৱশেষত অল ইংলেণ্ড ক্লাবে টেনিছ তাৰকাসকলৰ দাবী মানি ল’বলৈ বাধ্য হ’ল। তেওঁলোকে মহিলা টেনিছ খেলুৱৈক ৰঙীণ অন্তৰ্বাস পিন্ধিবলৈ অনুমতি দিছে। চলিত বৰ্ষৰ প্ৰতিযোগিতাৰ পৰাই এই নিয়ম কাৰ্যকৰী কৰা হৈছে। অৱশ্যে একাংশ মহিলা টেনিছ তাৰকাই এই নিয়মৰ বিৰোধিতাও কৰিছে।

উইম্বলডনৰ নিয়ম অনুসৰি খেলুৱৈসকলে সকলো বগা কাপোৰ পিন্ধিব লাগে। অন্তৰ্বাসৰ ৰং বগা হ’ব লাগে। কাপোৰত মাত্ৰ ১ চে.মি. বহল বৰ্ডাৰ থাকিব পাৰে। এই নিয়মৰ বিৰোধিতা কৰাৰ বাবে ৰজাৰ ফেডাৰেৰে শাস্তিৰ সন্মুখীন হ’বলগীয়া হৈছিল। কমলা ৰঙৰ বৰ্ডাৰৰ বাবে ক’ৰ্টৰ মাজতে জোতা সলনি কৰিবলৈ বাধ্য হয়।

আনকি মহিলা খেলুৱৈসকলেও অন্তৰ্বাস সলনি কৰিবলৈও বাধ্য হৈছিল। বিকল্প নেদেখি বহুতে অন্তৰ্বাস নোহোৱাকৈয়ে খেলিবলৈ নামিছে। ১৪৬ বছৰৰ পাছত অৱশেষত উইম্বলডন কৰ্তৃপক্ষই সকলো গোড়ামি অতিক্ৰমি নিয়ম সলনি কৰিলে।

অল ইংলেণ্ড ক্লাবে অৱগত কৰিছে যে মহিলাৰ ঋতুস্ৰাৱৰ কথা লক্ষ্য কৰিয়েই নিয়ম সলনি কৰাৰ সিদ্ধান্ত লোৱা হৈছে। কিংবদন্তি বিলি জিন কিঙৰ পৰা আৰম্ভ কৰি বৰ্তমানৰ প্ৰজন্মৰ মহিলা টেনিছ তাৰকালৈকে সকলোৱে দাবী জনাইছিল যে বিকল্প হিচাপে ৰঙীণ অন্তৰ্বাস পিন্ধাৰ অনুমতি দিয়া হওক।

ইয়াৰ পিছতে অল ইংলেণ্ড ক্লাবৰ মুখ্য কাৰ্যবাহী চেলি বোল্টনে কয়, ‘’আশাকৰোঁ এই নিয়ম সলনিৰ ফলত খেলুৱৈসকল উপকৃত হ’ব। তেওঁলোকে কেৱল মেচতহে গুৰুত্ব দিব পাৰিব।‘’

অল ইংলেণ্ড ক্লাৱৰ এই সিদ্ধান্তত বহু টেনিছ তাৰকা সুখী। আমেৰিকাৰ খেলুৱৈ কোকো গফে কয় যে এই সিদ্ধান্তৰ দ্বাৰা মহিলা খেলুৱৈসকল সঁচাকৈয়ে লাভৱান হ’ব। কিন্তু নতুন নিয়মক লৈও প্ৰশ্ন উত্থাপন হৈছে।

টিউনিছিয়ান তাৰকা ওনেছ জাবেউৰে কয়, ‘যি মহিলাই ৰঙীণ অন্তৰ্বাস পিন্ধি নামিব, সকলোৱে গম পাব যে খেলুৱৈগৰাকীৰ ঋতুস্ৰাৱত চলিছে। সেইটো বৰ অস্বস্তিকৰ। সেয়ে প্ৰতিগৰাকী মহিলা খেলুৱৈক ৰঙীণ অন্তৰ্বাস পিন্ধি নামিবলৈ কোৱা হওক। কিন্তু এইটো ভাবি ভাল লাগিছে যে উইম্বলডনে ক’ৰ্টত মহিলাসকলৰ সুবিধাৰ কথা ভাৱি নিয়ম সলনি কৰিছে।’

Shares:

Leave a Reply

Your email address will not be published. Required fields are marked *